Croeso i MWMG...

Ynglŷn â GGCC

Mae GGCC yn gwmni cyfyngedig preifat dielw’n cael ei lywio gan Fwrdd Cyfarwyddwyr sy’n cael eu hethol o’r aelodaeth.

Ein Cenhadaeth:

I fod y rhwydwaith cymorth blaenllaw ar gyfer busnes sy’n seiliedig ar ddiwydiant yng Nghanolbarth Cymru.

Amcanion Grŵp Gweithgynhyrchu Canolbarth Cymru yn ôl ei ddiffiniad yn yr M&A

·       Yn gyffredinol i hyrwyddo’r diwydiant gweithgynhyrchu yng Nghymru.

·       I wella’r llwyddiant, ansawdd, proffidioldeb ac effeithiolrwydd yn y sector gweithgynhyrchu yng Nghymru.

·       I hyrwyddo a gwella addysg, hyfforddiant a sgiliau pobl yng Nghymru.

·       I hyrwyddo a gwella cyfathrebiadau ymhlith gweithgynhyrchwyr a rhyngddynt a’r gymuned gyfan.

·       I weithredu fel rhyngwyneb gyda sefydliadau eraill er budd i’r gweithgynhyrchwyr.

·       I fandio gweithgynhyrchwyr Cymru gyda’i gilydd er mwyn meithrin dealltwriaeth gydfuddiannol o weithgareddau ei gilydd i hwyluso cyfnewid gwybodaeth a throsglwyddo technoleg ac adnabod cyfleoedd i fasnachu rhwng aelodau a sefydliadau eraill boed yng Nghymru ai peidio.

Gwerthoedd

1.     Darparu gwasanaeth proffesiynol i bob rhanddeiliaid mewnol ac allanol

2.     I fod yn frocer gonest yn ein perthynas gyda’r aelodaeth.

3.     I drin pobl ag ymddiriedaeth, uniondeb a gonestrwydd bob amser.

Ynglŷn â GGCC & Hanes

Cafodd Grŵp Gweithgynhyrchu Canolbarth Cymru, sydd wedi ei leoli yn Y Drenewydd, ei sefydlu yn 1994 fel sefydliad sy'n seiliedig ar aelodaeth i gefnogi cwmnïau Gweithgynhyrchu a Pheirianyddol yn Rhanbarth y Canolbarth. Roedd y sefydliad dielw hwn, sy’n cael ei lywio gan gyfarwyddwyr gwirfoddol, ei gyllido’n gychwynnol drwy Fwrdd Datblygu Cymru Wledig. Gyda dros 100 o aelodau gwasanaeth o fusnesau micro i gwmnïau yn cefnogi dros 500 o bobl ar draws llawer o ddiwydiannau o gynhyrchu bwyd i fodurol. Gyda dim ond dau aelod o staff ar hyn o bryd, mae’r sefydliad bach hwn yn sicr yn gwneud effaith yn ei rhanbarth.

Yna, drwy gyllid Ewropeaidd, gwelwyd y greadigaeth o sawl prosiect i gefnogi’r sector, gan gynnwys y Cynllun Prentisiaeth a Rennir sydd wedi ennill gwobrau, lle gwelwyd 70 o bobl ifanc yn cael eu cyflogi a threulio rhwng 6-12 mis mewn gwahanol leoliadau mewn cwmnïau. Gweinyddwyd y cynllun am nifer o flynyddoedd ac mae anghenion sgiliau’r rhanbarth yn cadw’n agos i galon y sefydliad.

Mae GGCC wedi ymgysylltu'n llwyddiannus â phlant o bob oed drwy’r defnydd o brosiectau STEM. Mae diwrnodau gweithgaredd fel gwneud rocedi, digwyddiadau swyddi a gyrfaoedd i gyd yn helpu i hyrwyddo’r buddiannau o weithio yn y sector i’r genhedlaeth nesaf. Mae ymgysylltu gyda phobl ifanc yn eu bywyd cynnar i ail-bwysleisio pwysigrwydd STEM yn flaenoriaeth i ni a fydd gobeithio yn arwain at linell o beirianwyr y dyfodol i’r rhanbarth.

Mynychom Ddigwyddiad Pontio Cenedlaethol [National Transition Event] yn ddiweddar a oedd wedi ei drefnu gan Mission Motorsport sy'n cynnig i'r rhai sy'n gadael y gwasanaeth, cyn-filwyr a'u partneriaid y cyfle i ddod o hyd i yrfaoedd tu hwnt i’r milwrol a’r hyn mae Canolbarth Cymru yn cynnig o ran cyflogaeth, tai ac ansawdd bywyd.

Ar ôl gwneud cais llwyddiannus am gyllid, mae llawer o gyfleoedd hyfforddi hefyd yn cael eu trefnu gan GGCC o sgiliau digidol, rheolaeth o iechyd meddwl yn y gweithle, arweinyddiaeth a rheolaeth i reoli stoc yn effeithiol.

Yn ychwanegol i gefnogi cwmnïau gyda sgiliau a recriwtio, mae aelodaeth yn darparu mynediad uniongyrchol i arbenigedd ac yn arbed amser ac arian gwerthfawr ar gyfer cwmnïau sy’n aelodau. Mae buddiannau eraill yn cynnwys gwasanaeth gwybodaeth i wneud cwmnïau yn ymwybodol o gyfleoedd a chefnogaeth gan gynnwys grantiau, cyflwyniadau i aelodau eraill sydd wedi wynebu materion busnes tebyg, diweddariadau ar ddeddfwriaeth bresennol, ariannu am hyfforddiant, prosiectau cynhyrchiant a meincnodi, gweithdai, ymweliadau i ffatrïoedd a digwyddiadau rhwydweithio.

Mae cynrychioli’r sector yn y rhanbarth yn chwarae rôl allweddol i ein sefydliad. Rydym yn aelodau o Bartneriaeth Sgiliau Rhanbarthol Canolbarth Cymru, un o bedair partneriaeth ranbarthol yng Nghymru, yn gweithio i hybu buddsoddiad mewn sgiliau wrth ddatblygu atebion sy’n seiliedig yr angen lleol a rhanbarthol. Mae Tyfu Canolbarth Cymru yn drefniant rhanbarthol rhwng y sectorau preifat a chyhoeddus yn ogystal â Llywodraeth Cymru. Mae’r bartneriaeth yn ceisio cynrychioli diddordebau a blaenoriaethau’r rhanbarth ar gyfer gwelliannau i ein heconomi leol, a’r Gronfa Ffyniant Gyffredin sydd newydd ei ffurfio i Bowys.

Mae hwn yn amser cyffrous i’r rhanbarth, gyda chyllid wedi ei gytuno I Ddel Tyfu Canolbarth Cymru a’r Gronfa Ffyniant Gyffredin, mae’r cyfle nawr ar gael i fynd i’r afael â phryderon allweddol y gymuned fusnes gan gynnwys gofynion eiddo masnachol a sgiliau.